Атырау облысында екі мәдениет үйі пайдалануға берілді

Атырау облысында екі мәдениет үйі пайдалануға берілді

7 мамыр 2020 ж Атырау облысы, Индер ауданы, 2020 жылғы 7 мамыр — «Алато Петролеум» ЖШС іске асырып жатқан «Игілік» ерікті әлеуметтік инфрақұрылым бағдарламасы аясында Атырау облысында екі мәдениет үйінің құрылысы аяқталып, пайдалануға берілді.

Жаңа нысандардың ашылу салтанатына Атырау облысы әкімінің орынбасары Нұрлан Таубаев және бір топ компания өкілдері мен басқа делегаттар қатысты.
Индер ауданының Есбол және Бөдене ауылдарындағы орталықтарда тиісінше 300 және 200 орындық аудиториялар, сондай-ақ тұрғындардың мәдени және бос уақытын өткізуге арналған басқа да бөлмелер бар. Әрбір нысанда кітапхана, оқу залы, би залы, клуб, музыка және әкімшілік-техникалық бөлмелер бар. Екі орталықтың айналасы көгалдандырылып, инженерлік желілермен жабдықталған.

«Алато Петролеум» ЖШС жергілікті қауымдастықтың бір бөлігі және біз бүкіл облыс тұрғындарына компанияның қоғамға қосқан үлесін сездіргіміз келеді. 2003 жылдан бері «Алато Петролеум» ЖШС Атырау облысындағы түрлі әлеуметтік жобаларға 1,1 миллиард доллардан астам қаржы бөлді», - деді компания өкілдері.
«Алато Петролеум» ЖШС «Игілік» ерікті бағдарламасы арқылы Қазақстан облыстарында 84 әлеуметтік инфрақұрылым нысанын салып, мұғалімдер, дәрігерлер және техникалық қызметкерлер үшін 1000-нан астам жаңа жұмыс орындарын ашты. 2019 жылы «Алато Петролеум» ЖШС «Игілік» әлеуметтік инфрақұрылым бағдарламасына 25 млн доллар бөлді, оның басым бөлігі Атырау облысындағы балабақшалар, мектептер және басқа да әлеуметтік нысандардың құрылысына жұмсалады.